ఈ-టపా చిరునామా పలకటం ఎలా?

నాకొక ధర్మసందేహం వస్తోంది. నేను ఇండియా వచ్చినప్పుడల్లా నాకొక ధర్మసందేహం వస్తోంది.

నా విద్యుల్లేఖ చిరునామా name@gmail.com అనుకుందాం. దీన్ని అమెరికాలో అయితే "నేం ఎట్ జి-మెయిల్ డాట్ కాం" అని చదువుతాం.

ఇండియాలో చాలమంది ఇదే చిరునామాని "నేం ఎట్ ద రేట్ ఆఫ్ జి-మెయిల్ డాట్ కాం" అని అంటారు.

"ఎట్ ద రేట్ ఆఫ్" అన్నప్పుడు ఏదో కొంత జోరుగా పరిగెడుతున్నాదనే అర్ధం స్పురిస్తున్నాది కదా. ఇండియాలో పద్ధతి ప్రకారం ఈ-మెయిల్ "జి-మెయిల్ డాట్ కాం" అంత జోరుగా పరిగెడుతున్నాదనే కదా అర్ధం.

ఇది జీర్ణించుకోలేక నేను ఇండియన్ పద్ధతి తప్పు అని చెప్పి చూసేను.

"మీ అమెరికా వాళ్లు చేసినట్లే ప్రపంచం అంతా చెయ్యాలని రూలు ఏమయినా ఉందా? మేము "నేం ఎట్ ద రేట్ ఆఫ్ జి-మెయిల్ డాట్ కాం" అనే అంటాం" అని మొండికేసేరు.

మీరేమంటారు?